ဘာလင်၊ ဧပြီ-၂၃-၂၀၂၄
မျိုးဆက်(VOM)
တရုတ်နိုင်ငံအတွက် စစ်ဘက်ဆိုင်ရာနည်းပညာတွေ ရယူပေးပို့နေခဲ့တဲ့ ဂျာမနီနိုင်ငံသားသုံးယောက်ကို ဖမ်းဆီးထိန်းသိမ်းလိုက်ကြောင်း ဂျာမနီအစိုးရရှေ့နေတွေက ပြောပါတယ်။
သံသယရှိသူတယောက်ဟာ တရုတ်နိုင်ငံ လုံခြုံရေးဝန်ကြီးဌာနမှ ထောက်လှမ်းရေးတယောက်အတွက် အေးဂျင့်အဖြစ် လုပ်ဆောင်ခဲ့ပြီး သံသယရှိသူဟာ ဂျာမနီမှာ ကုမ္ပဏီတခုဖွင့်လှစ်ထားတဲ့ စုံတွဲကို အသုံးချခဲ့တယ်လို့ အစိုးရရှေ့နေတွေက ပြောပါတယ်။
ဒီစုံတွဲဟာ သူတို့ရဲ့ကုမ္ပဏီမှတစ်ဆင့် ဂျာမနီတက္ကသိုလ်တခုနဲ့ ပူးပေါင်းဆောင်ရွက်ရေး သဘောတူညီချက်ကို လက်မှတ်ရေးထိုးခဲ့ကြကြောင်း ၊ သူတို့ရဲ့ရည်ရွယ်ချက်ဟာ စစ်သင်္ဘောတွေအပါအဝင် သင်္ဘောအင်ဂျင်နည်းပညာနဲ့ပတ်သက်ပြီး တရုတ်နိုင်ငံအတွက် ဖြစ်တယ်လို့ ဆိုပါတယ်။
ဂျာမနီတက္ကသိုလ်တာဝန်ရှိသူတွေဟာ တရုတ်ထောက်လှမ်းရေးအတွက် အလုပ်လုပ်နေတဲ့ သူတို့ သုံးယောက်ကို သတိမပြုမိကြောင်း တာဝန်ရှိသူတွေကို ကိုးကားပြီး ဒေသတွင်းသတင်းဌာနတွေက ဖော်ပြထားပါတယ်။
သူတို့ ဖမ်းဆီးခံရချိန်မှာ သံသယရှိသူတွေဟာ တရုတ် ရေတပ်ရဲ့ တိုက်ခိုက်ရေးစွမ်းအားကို မြှင့်တင်တိုးချဲ့ဖို့ အသုံးဝင်မယ့် နောက်ထပ်သုတေနသနစီမံကိန်းအတွက် စေ့စပ်ညှိနှိုင်းမှုတွေ ပြုလုပ်နေကြောင်း ဂျာမနီအစိုးရရှေ့နေများက ပြောဆိုပါတယ်။
Ref:NHK
Photo:Reuters
Related posts
-
မကွေးမြို့ရှိ နေအိမ် ၃၀၀ ဝန်းကျင်ကို ကျူးကျော်လို့ဆိုကာ တလအတွင်း ဖယ်ရှားခိုင်း
မေ ၇ – ၂၀၂၄ SN (VOM) မကွေးတိုင်း၊ မကွေးမြို့ပေါ်၊ အောင်မေတ္တာရပ်ကွက်ရှိ... -
ဘီးလင်း-ဖာပွန် လမ်းပေါ်က တံတားတစင်း မိုင်းခွဲခံရလို့ လမ်းပန်းဆက်သွယ်ရေး ပြတ်တောက်နေ
မေ ၇ – ၂၀၂၄ SN (VOM) မွန်ပြည်နယ်၊ ဘီးလင်းမြို့နယ်၊ ဘီးလင်း-ဖာပွန်... -
ကမ္ဘောဒီးယား ဝန်ကြီးချုပ်ဟောင်း ဟွန်ဆန်နဲ့ နစက ဥက္ကဌဆွေးနွေး၊ ဒေါ်အောင်ဆန်းစုကြည်နဲ့ တွေ့ဆုံပြောဆိုခွင့်ရရေး ဟွန်ဆန်တောင်းဆို
ဖနွမ်းပင်၊ မေ-၆-၂၀၂၄မျိုးဆက်(VOM)ကမ္ဘောဒီးယားဝန်ကြီးချုပ်ဟောင်းနဲ့ အထက်လွှတ်တော်ဥက္ကဌ ဟွန်ဆန်ဟာ နစက ဥက္ကဌနဲ့ ဒီနေ့ မေ ၆...